Қанча украиналик мамлакатни тарк этган?
Бу бўйича маълумотлар очиқланди.
Украина аҳолисининг 15 фоизи ўз яшаш жойини тарк этган. Бу ҳақда миграция бўйича халқаро ташкилот вакили Варвара Жлуктенко маълум қилди.
Унинг сўзларига кўра, 6.6 миллион украиналик бошқа давлатларга чиқиб кетган ёки уйини тарк этган. Июнь охири билан солиштирганда уларнинг сони 300 мингга кўпайган. Одамлар асосан Украина жануби, шимоли ва шарқидан қочмоқда.
Шу билан бирга бундан олдин мамлакатни тарк этган 5.5 миллион аҳолининг 16 фоизи ортга қайтган. Бунга асосий сабаб иш топиш муаммоси сабаб бўлган.
Миграция бўйича халқаро ташкилот маълумотларига асосан, яшаш жойини тарк этганларнинг 60 фоизи доимий ишидан айрилган. Ички қочқинларнинг ҳар ўнинчиси ҳарбий ҳаракатлар бошланганидан буён ҳеч қандай даромадга эга эмаслигини аниқланган.
Аввалроқ Украина армияси катта йўқотишларга учрагани тан олинганди.
