Украина мудофаа вазири Алексей Резников мамлакат қуролли кучлари катта йўқотишларга дуч келганини маълум қилди. Бу ҳақда у The Wall Street Journal газетасига берган интервьюсида айтиб ўтган.
“Биз бўлинмалар таркибини янгилашимиз, алмаштиришимиз, шунингдек, катта талофатлар сабаб қайтадан тузишимиз керак”,– деган вазир.
Шу билан бирга Резников Киев иттифоқчилардан кўпроқ зирҳли техника ва қурол кутаётганини айтган.
Аввалроқ Украина мудофаа вазири мамлакат қуролли кучларига 1 миллион фуқаро жалб қилинганини маълум қилганди.