Мен ҳам сенга просто ваъда бераман–Шавкат Мирзиёев
Президент жиззахлик тадбиркорга инвестиция масаласида ёрдам берилишини айтди.
Шавкат Мирзиёев 29 июль куни ахборот технологиялари соҳаси вакиллари билан учрашиб, тадбиркорларнинг мурожаатини эшитди.
Унда жиззахлик тадбиркор лойиҳаларини бошлашга маблағи етмай турганини билдирган.
“Инфраструктураси, иш ўрни оғир ҳудуддан янги бино харид қилганмиз. Ҳозирги кунда ишга тушириш арафасидамиз. Лойиҳамни ишга туширишга сал маблағ етишмай турибди. Просто ҳозир ҳисобимда инвестиция бўлса, билиб-билиб инфраструктураларимни яхшилайман, бу нарсада ваъда бераман сизга”, — деган тадбиркор.
Давлат раҳбари инвестиция вазири ўринбосари банкдагилар билан у ерга етиб бориши, ҳамма нарсани инобатга олиб, 5 кун ичида таклиф беришини маълум қилган.
“Мен ҳам сенга просто ваъда бераман, одамлар бориб, сенга просто ёрдам беради”, — дея ҳазиломуз жавоб берган Президент.
