Британия молия вазири Трассни қўллаб-қувватлади
Бирлашган Қиролликда бош вазирлик учун кураш ҳал қилувчи паллага кирмоқда.
Буюк Британия молия вазири Надим Захави Элизабет Трасснинг бош вазирликка номзодини қўллаб-қувватлади. Бу ҳақда “The Daily Telegraph” хабар берди.
“Лиз инқирозли пайтида статус-кво ечим эмаслигини яхши тушунади”, – деган вазир.
Унинг сўзларига кўра, молия вазирлиги янгиланган стратегияга муҳтож ва Трасснинг иқтисодий дастури бунга тўла мос тушади.
“У иқтисодий турғунликни енгиб ўтади ва хўжаликни консерватив услублар билан бошқаради”, – деб қайд этган сиёсатчи.
Маълумот ўрнида: 7 июль куни Борис Жонсон бирлашган қироллик бош вазири лавозимидан истеъфога чиқди. Шундан кейин мамлакатда ҳукумат раҳбари лавозими учун кураш бошланди. Якунда собиқ молия вазири Риши Сунак ва амалдаги ташқи ишлар вазири Лиз Трасс қолди. Якуний натижалар 5 сентябрда маълум бўлади.
Аввалроқ Элизабет Трасс бош вазир этиб сайланган тақдирда бошқарувда катта ўзгаришларни амалга оширишини айтганди.
