Трамп Пэлоси ҳақида: “Ақлдан озган!”
Вакиллар палатаси спикери 2 август куни Тайванга борди.
АҚШ собиқ президенти Дональд Трамп Вакиллар палатаси спикери Нэнси Пэлосини «ақлдан озган” деб атади. Бу ҳақда у ўзининг Truth ижтимоий тармоғида ёзган.
“Ақлдан озган Нэнси Тайванда нима қилмоқда? У доим ноқулайликлар келтириб чиқарган. У бошлаган ҳеч нарса яхшилик билан тугамайди. Кузатинг”, – деган собиқ президент.
Трамп спикернинг ташрифи оғир сиёсий оқибатларга сабаб бўлишидан огоҳлантирган.
Маълумот ўрнида: Пэлоси 2 август куни Тайванга борди. Бу расмий Пекиннинг кескин норозилигига сабаб бўлди. Хитой орол атрофини фуқаролик авиацияси учун ёпди. Тайванга қарши қатор санкциялар жорий этилди.
