Зеленский Хитой раҳбари билан гаплашмоқчи
У Пекиннинг сиёсатини тўғри тушунишини маълум қилди.
Владимир Зеленский Си Цзиньпин билан тўғридан тўғри музокара ўтказиш истагини билдирди. Бу ҳақда у Гонгконгнинг South China Morning Post газетасига берган интервьюсида айтган.
"Мен Си Цзиньпин билан бир йил олдин мулоқот ўтказмоқчи эдим. 24 февралдан кейин Пекин билан расмий музокараларни таклиф қилдим. Аммо ҳозирча ҳеч қандац музокаралар ўтказилмади, бу фойдали бўлган бўларди", — деб қайд этган Украина раҳбари.
Сиёсатчи Хитой ўта қудратли сиёсий ва иқтисодий куч эканини ҳамда Россияга таъмир ўтказа олишини таъкидлаган. Унинг фикрича, Хитой бозорисиз Москва ўзини тўлиқ иқтисодий изоляцияда ҳис қиларди. Шу билан бирга президент Пекиннинг амалдаги сиёсатини тўғри тушунишини айтган.
Бундан ташқари, Зеленский Хитой бизнесининг Украинани тикланиш жараёнида фаол бўлишига умид билдирган.
Аввалроқ Пекин Россияга ёрдам беришнинг қўшимча йўлларини қидираётгани тўғрисида хабар берилганди.
