Ташрифимиз графигини Хитой тузмайди — Пэлоси
Вакиллар палатаси спикери Тайванни изоляцияда қолдирмасликка ваъда берди.
АҚШ Тайваннинг изоляция қилинишига йўл қўймайди. Бу ҳақда Конгресс вакиллар палатаси спикери Нэнси Пэлоси маълум қилди.
"Хитой Тайванни яккалашга ҳаракат қилди. Аммо улар бизни у ерга боришимизга қаршилик қилиб буни амалга олмайди. Уларнинг Тайванни изоляция қилишига йўл қўймаймиз. Бошқалар бизнинг ташриф графигимизни тузиб бермайди", — деган сиёсатчи Япониядаги чиқишида.
Маълумот ўрнида: Пэлоси 2 август куни Тайванга борди. Бу расмий Пекиннинг кескин норозилигига сабаб бўлди. Хитой орол атрофини фуқаролик авиацияси учун ёпди. Тайванга қарши қатор санкциялар жорий этилди.
Кечадан орол яқинидаги олти сув ҳудудида Хитой армияси йирик ҳарбий машғулотлар бошлади.
