Ван И: АҚШ Пэлосининг ташрифини атайин режалаштирган
Дипломат бундан кўзланган мақсадни очиқлади.
АҚШ ҳукумати Нэнси Пэлосининг Тайванга ташрифини атайин инқирозли вазиятни юзага келтириш учун режалаштирган. Бу ҳақда Хитой ташқи ишлар вазири, Давлат кенгаши аъзоси Ван И маълум қилди.
“АҚШ аввал муаммо юзага келтириш, кейин ундан ўз стратегик мақсадларида фойдаланишга одатланган. Вашингтон Пэлосининг режалаштирилмаган ташрифидан минтақада ҳарбий иштирокини ошириш учун фойдаланиши ҳақида маълумотлар бор”, – деган дипломат.
Ван И Хитойнинг ўз суверенитетини ҳимоя қилиши адолатли ва қонуний эканини таъкидлаган. Шу билан бирга у Американинг Тайвань орқали Хитойни бошқаришга ҳаракат қилишга йўл қўйилмаслигини ҳамда оролнинг мустақилликка интилиши тўғрисидаги “фантазияларни барбод қилиниши”ни маълум қилган.
Аввалроқ Хитой АҚШ билан қатор келишувлардан чиқиб кетганди.
