Яна бир давлат AUUKUS'га қўшилиши мумкин
АҚШ давлат котиби ўринбосари бу бўйича маълумот берди.
Янги Зеландия AUUKUS аъзосига айланиши мумкин. Бу ҳақда АҚШ давлат котиби ўринбосари Уэнди Шерман маълум қилди.
Унинг сўзларига кўра, альянснинг асосий эътибори атом сувости кемалари қуришга қаратилган, аммо у келажакда ҳар бир инсоннинг хавфсизлигини таъминлаш мақсадида кенгаяди ва ривожланади.
"Биз аввалдан кейинроқ бу ҳамкорликка бошқалар қўшилиши мумкинлигини айтиб келамиз. Вақт келиб Янги Зеландия билан бу масалани муҳокама қиламиз", — деган дипломат.
Шунингдек, Шерман Веллингтон АҚШнинг Тинч океани минтақасидаги энг муҳим ҳамкорларидан эканини айтган.
Шу билан бирга аввалроқ Янги Зеландия бош вазири Жасинда Ардерн унинг давлати ўз ҳарбий иттифоқлари сонини кўпайтириш ниятида эмаслигини таъкидлаганди.
AUUKUS 2021 йил сентябрида АҚШ, Буюк Британия ва Австралия томонидан тузилган.
Аввалроқ Япония ҳарбий альянсга таклиф қилинганди.
