0
Қашқадарёда иккита қишлоқ аҳолиси жанжаллашгани рад этилди
Ҳолатга туман ҳокимлиги аниқлик киритди.
Ижтимоий тармоқда Қашқадарё вилоятининг Деҳқонобод туманида икки қишлоқ аҳолиси ўртасида жанжал юз бергани бўйича хабарлар тарқалганди.
Туман ҳокимилигининг таъкидлашича, жанжал икки қишлоқ аҳолиси ўртасида эмас, икки корхона вакиллари орасида, яъни “Наргиз-Сарвар” хусусий корхонаси ишчиси ва Деҳқонобод кавракчилик кластери ходими ўртасида содир бўлган. Жанжалга коврак ширасини йиғиб олиш бўйича берилган квотадаги англашилмовчилик сабаб бўлган.
Мазкур ҳолат туман ИИБ томонидан ўрганилиб, қонуний тўхтамга келиш учун дастлабки тергов-суриштирув ишлари олиб борилмоқда.
