Ғарб БМТда Россияга қарши санкция таклиф қилишни тўхтатди
Бунга ташкилот давлатларининг Москвани танқид қилишдан бош тортгани сабаб бўлган.
Ғарб давлатлари БМТда Россияга қарши янги санкцияларни таклиф қилмаяпти. Бу ҳақда Reuters ташкилотдаги манбаларига таяниб хабар берди.
Бунга сабаб БМТда тобора кўпроқ давлатлар Москвани танқид қилишдан бош тортмоқда. Ташкилотнинг мустақил Халқаро инқироз гуруҳи директори Ричард Гоуэннинг сўзларига кўра, Украинадаги ҳарбий ҳаракатлар чўзилиши ортидан Россияга қарши самарали қаршилик қилиш йўллари тобора камаймоқда.
Масалан, июнь ойида Евроиттифоқ РФдаги инсон ҳуқуқлари бузилиши ҳолатлари бўйича БМТ экспертини тайинлаш режасини ишлаб чиққан. Аммо манбаларнинг маълум қилишича, бу фикрдан воз кечишган. Европа БМТнинг Женевадаги инсон ҳуқуқлари кенгаши аъзолари бунга қаршилик қилишидан хавотир билдирган.
Аввалроқ Европанинг йирик давлатлари Киевга ҳарбий ёрдам беришни камайтиргани тўғрисида хабар берилганди.
