Politico: Европанинг йирик давлатлари Киевга ҳарбий ёрдам беришни камайтирган
Бу ҳолат қачондан бошлангани маълум қилинди.
Июль ойида Европанинг олти йирик давлати Украинага ҳарбий ёрдам масаласида ҳеч қандай қўшимча мажбурият олмади. Бу ҳақда Politico Киль жаҳон иқтисодиёти институти маълумотларига таяниб маълум қилди.
Бу каби ҳолат Россия-Украина ҳарбий можароси бошланганидан буён илк бор рўй бермоқда. Шу билан бирга аниқ қайси давлатлар ҳарбий ёрдам беришни тўхтатгани аниқ айтилмаган, аммо уларнинг орасида Германия ва Франция ҳам бор.
Ukraine Support Tracker лойиҳаси раҳбари Кристофер Требешнинг сўзларига кўра, Киевни қўллаб-қувватлаш апрель ойидан бошлаб пасайган.
“Уруш ҳал қилувчи паллага кирганига қарамай, ёрдам кўрсатиш бўйича янги ташаббуслар кўрсатилмаяпти”, – деган эксперт.
Аввалроқ НАТО бош котиби нима учун Киевга ҳарбий ёрдам кўрсатилаётганини тушунтирганди.
