Эрдоған Путин ва Зеленскийни учраштириш фикридан қайтмаяпти
Туркия етакчиси Украина низосини “дунёдаги энг катта инқироз” деб атаган.
Ражаб Тоййиб Эрдоған яқин вақт ичдида Путин ва Зеленский учрашувини ташкил этишни ўзининг асосий мақсади деб ҳисоблайди. Бу ҳақда Туркия президенти миллатга мурожаати давомида маълум қилди.
Эрдоған Украинадаги низони дунёдаги энг асосий инқироз деб атаган. Унинг фикрича, бу бутун дунё, жумладан, Туркияга таъсирини ўтказади.
“Туркия ушбу урушнинг олдини олишга, кейин эса унинг тинчлик билан тугаши учун барча чораларни кўрди. Ғалла инқирозини олдини олишга қаратилган механизм яратилиши ҳам бизнинг саъй-ҳаракатларимиз билан амалга оширилди. Украина ва Россия ҳиссасига дунёдаги ғалланинг учдан бири тўғри келишини ҳисобга олсак, украин ғалласининг айнан бизнинг ҳудуд орқали бошқа давлатларга жўнатилиши инсоният учун катта аҳамиятга эга”, — деган Туркия етакчиси.
Аввалроқ Анқара Украина атрофидаги вазиятдан айрим давлатлар фойдаланишга ҳаракат қилаётганини айтганди.
