Нидерландия Украинага 80 миллион евролик ёрдам беради
Маблағлар инфратузилма объектларини тиклаш учун сарфланади.
Нидерландия Украинага 80 миллион евро ёрдам ажратди. Бу маблағларнинг катта қисми инфратузилма реконструкциясига сарфланади.
Бу қарор Нидерландия мудофаа вазири ҳамда ташқи савдо ва тараққиёт вазирларининг Киев ва Ирпенга ташрифидан сўнг қабул қилинган.
Ёрдамнинг 65 миллиони ҳарбий ҳаракатлар натижасида вайрон бўлган кўприклар, дамба, касалхона ва бошқа инфратузилма объектларини тиклашда қатнашаётган голланд компанияларига тақдим этилади. 10 миллион евро эса миналардан тозалаш учун сарфланади.
2.5 миллион евро Европа тараққиёт ва тикланиш банкига ўтказиб берилади. У Украина ҳукуматининг макроиқтисодий ислоҳотларини қўллаб-қувватлаш учун ишлатилади. Яна 2 миллион евро зўравонлик қурбонларига берилади.
Аввалроқ ЕИ Украина инфратузилмаси учун 20 миллион евро ажратгани тўғрисида хабар берилганди.
