Евроиттифоқ Украина инфратузилмасининг қиш мавсумига тайёрланиши учун 20 миллион евро ажратди. Бу ҳақда ЕИнинг Украинадаги ваколатхонаси маълум қилди.
Ушбу маблағлар харобаларни тозалаш ҳамда инфратузилма объектларини таъмирлаш учун сарфланади. У БМТнинг Тараққиёт дастурига ўтказиб берилади.
"Ўта муҳим инфратузилманинг тезкор таъмирланиши, айниқса, яқинлашиб келаётган қиш мавсуми олдидан энг устувор вазифалардан бири ҳисобланади. Бизнинг лойиҳадан кўзланган мақсад Украинани электр, сув ва иссиқлик билан таъминлайдиган объектлар фаолиятини қайта тиклаш", — деган Тараққиёт дастурининг Украинадаги вакили Манал Фоуани.
Бундан ташқари, Туркия ҳам инфратузилма объектларини қайта тиклашга ёрдам беришни ваъда қилган.
Аввалроқ Европа давлатларининг Киевга ҳарбий ёрдам беришни камайтиргани тўғрисида хабар берилганди.