Трампнинг қўлида қанча махфий материал қолгани маълум бўлди
Собиқ президентнинг уйи 9 август куни тинтув қилинганди.
Дональд Трамп ўзининг Мар-а-Лагодаги қароргоҳида энг камида 300 та махфий ҳужжат сақлаган. Бу ҳақда The New York Times хабар берди.
Унинг маълумотларига кўра, 150 та ҳужжатни собиқ президент январда АҚШ архив ва ҳужжатлар миллий бошқармасига берган. Қолган материаллар адлия вазирлигига тақдим этилган.
Ҳозирда Трампнинг қўлида 26 қути ҳужжатлар қолган. Улардан 11 тўпламини махфий материаллар ташкил этади, биттаси эса "ўта махфий" грифи остида сақланади. Ҳукумат ихтиёрига қайтган маълумотлар Марказий разведка бошқармаси, миллий хавфсизлик агентлиги ва Федерал қидирув бюросига тегишли.
Маълумот ўрнида: Дональд Трамп август ойи бошида АҚШнинг Федерал қидирув бюроси ходимлари унинг Мар-а-Лагодаги мулкига рейд уюштириб, сейфини бузиб очишганини маълум қилган.
