Дональд Трамп душанба куни АҚШнинг Федерал қидирув бюроси ходимлари унинг Мар-а-Лагодаги мулкига рейд уюштириб, сейфини бузиб очишганини маълум қилган.
Тинтувдан мақсад “Капитолийга бостириб кириш” билан боғлиқ ҳужжатларни топиш эди.
Агентлар Трамп Оқ уйдан Мар-а-Лагога олиб кетгани айтилган 15 қути махфий ҳужжатларни қидираётган эди.
ФҚБ маълумотларига кўра, Трамп нафақат айбларини фош қилувчи бир қанча ҳужжатларни тўплаган, балки уларни бир ярим йил давомида уйида сақлаб келган.
АҚШ Адлия вазирлиги тинтув ҳақида изоҳ беришдан бош тортди.
Собиқ президентнинг вояга етган фарзандларидан бири Эрик Трамп Fox News телеканалига берган интервьюсида Трамп Оқ уйдан ўзи билан олиб келган ҳужжатлар қутиларини тинтув қилиш ҳақида гапириб отаси бу борада Миллий архив билан бир неча ойдан бери ҳамкорлик қилиб келаётганини айтган.