Қирғизистон собиқ президенти БМТнинг Афғонистон бўйича махсус вакилига айланди
Унинг дипломатия соҳасидаги 35 йиллик тажрибага эгалиги қайд этилган.
Қирғизистоннинг собиқ президенти Роза Отунбаева БМТ бош котибининг Афғонистон бўйича махсус вакили ва ташкилотнинг Афғонистонга кўмак миссияси раҳбари этиб тайинланди.
Отунбаева Дебора Лайонснинг ўрнини эгаллаган. Гутерриш Лайонсга узоқ йиллик хизмати учун миннатдорчилик билдирган.
БМТ матбуот хизматида Отунбаеванинг сиёсат, бошқарув, дипломатия ва халқаро ҳамкорликда 35 йиллик тажрибага эгалиги таъкидланган. У 2010 йил 3 июлдан 2011 йил 1 декабрга қадар Қирғизистон президенти бўлган.
Аввалроқ Гутерриш Афғонистон муаммосини ҳал қилишда қўшни давлатлар позицияси муҳим эканини айтганди.
