Эрдоған Самарқандда Путин билан “ғалла келишуви”ни гаплашиб олмоқчи
Россия президенти Украина дони асосан бой давлатларга етказиб берилаётганини айтганди.
Эрдоған Путиннинг Украина дони экспорти бўйича фикрларини қўллаб-қувватлади.
7 сентябрь куни Россия президенти Шарқий Иқтисодий форумда Украинадан “ғалла келишуви” асосида экспорт қилинаётган озиқ-овқат маҳсулотлари асосан ривожланган давлатларга кетаётганини айтганди. У экспорт тартибини туркиялик ҳамкасби билан қайта муҳокама қилишини маълум қилганди.
“Жаноб Путин ғалла коридори орқали етказиб бериш камбағал давлатларга эмас, асосан ривожланган давлатларга амалга оширилаётгани ҳақида тўғри таъкидлади. У РФга қарши санкция қўйган давлатларга дон етказиб берилаётганидан хавотирда. Биз Самарқандда ушбу масалани муҳокама қиламиз”, – деган Эрдоған.
22 июль куни Россия, Украина, Туркия ва БМТ ғалла экспортини тиклаш бўйича тўрт томонлама келишувга эришди. Истанбулда унинг амалга оширилиши юзасидан координацион марказ тузилди.
