Россияга қарши санкциялар қайта кўриб чиқиладими?
Венгрия ТИВ кутилмаган баёнот билан чиқди.
Евроиттифоқнинг Россияга қарши санкциялари кузда қайта кўриб чиқилиши мумкин. Бу ҳақда Венгрия ТИВ вакили Тамаш Менцер маълум қилди.
“Санкциялар энергия етишмовчилиги ва нархларнинг сезиларли даражада ошишига олиб келди. Бу масалада мен оптимист эмасман, аммо кузда чекловлар қайта кўриб чиқилиши мумкин. Кўплаб одамлар реал вазиятни кўрмоқда. Совуқ тушиши билан ва иқтисодиётни бошқариш зарурияти билан реаллик барча давлатлар эшигини тақиллатади”,– деган дипломат.
Россия-Украина можароси бошлангач, Ғарб Россияга қарши кенг кўламли иқтисодий санкциялар жорий этди. Аммо энергетика масаласида Европа давлатлари ягона консенсусга кела олмаяпти.
Аввалроқ Австрия ТИВ Россияга қарши чекловлар аста-секин олиб ташланиши мумкинлигини айтганди.
