Шольц нима учун Киевга танк берилмаслигини тушунтирди
Германия канцлери НАТО ва Россия ўртасида эскалация содир бўлишидан хавотир билдирган.
Германия Украина низоси янада кенгайиб кетишидан хавфсираб Киевга танк етказиб бермаяпти. Бу ҳақда канцлер Олаф Шольц маълум қилди.
"Биз Украинани қўллаб-қувватлаймиз. Биз буни НАТО ва Россия ўртасида уруш авж олиб кетмаслигини ҳисобга олиб амалга оширамиз. Акс ҳолда бу катта ҳалокатга олиб келади", — деган канцлер.
Шу билан бирга Шольц Киевга кўп қурол берилаётганини айтган.
Берлин август ойида Украинага қурол етказиб беришда муаммога дуч келганини маълум қилган. Сентябрь ойида Германия қуролли кучлари иттифоқи буни тасдиқлади. Ҳозирги кунда германияликлар Киевга MARS ялпи ўт очиш реактив тизимларини, ўзиюрар Panzerhaubitze 2000 гаубицаларини ҳамда Gepard зенит тизимларини етказиб берган.
Шу билан бирга Бундесвер бошқа давлатлар қўллаб-қувватламаса, Украинага танк етказиб бермаслигини маълум қилган.
Аввалроқ Зеленский қурол масаласида Германиянинг позициясини танқид қилганди.
