Лукашенко: Украинада тинчликка эришиш учун бир неча кун керак
Беларусь президенти бунинг шартини очиқлади.
Агар Европа истаса, Украинада бир неча кун ичида тинчликка эришиш мумкин. Бу ҳақда Беларусь президенти Александр Лукашенко маълум қилди.
“Агар европаликлар буни чин дилдан истаса, тинчликка эришиш учун бир неча кун кифоя”, – деган Лукашенко хорижий давлатлар элчилари олдидаги чиқишида.
Унинг сўзларига кўра, ҳозирда кўпчилик низо ҳақида кўп гапирмоқда, аксарият одамлар тезроқ тинчлик ўрнатилишини истайди. Шу билан бирга президент қардош халқлар ўртасидаги можаро улкан фожиа эканини таъкидлаган.
“Бу стратегик фитна ва катта аҳмоқлик натижаси”, – деб қайд этган Беларусь раҳбари.
Лукашенко Минск Россия-Украина ўртасидаги музокаралар тарафдори эканини эслатган.
Аввалроқ Беларусь президенти Украина можаросида иштирок этганини тан олганди.
