Лукашенко “махсус операция”да иштирок этаётганини тан олди
Бу иштирок қай кўринишда эканлиги очиқланди.
Александр Лукашенко Россия Беларусь ҳудудидан туриб Украинага зарба берганини тан олди. Бу ҳақда у AFP агентлигига берган интервьюсида айтган.
Лукашенконинг сўзларига кўра, бирорта рус аскари Беларусга унинг рухсатисиз кирмаган. Шу билан бирга президент Россия зарбалари “ўз бўлинмалари” хавфсизлигини таъминлаш мақсадида амалга оширилганини айтган.
“Яна қайтариб айтаман: ҳа, биз амалиётда иштирок этмоқдамиз. Биз ғарб, жануби-ғарбни ёпиб қўйдик, бу орқали русларнинг орқа тарафидан зарба берилишини олдини олдик. Иштирокимиз шу кўринишда. Шу билан бирга ярадорларни даволадик, ҳалок бўлганларни қабул қилдик. Украиналикларга ҳам, русларга ҳам дори-дармон етказиб беряпмиз. Аммо биз одамларни ўлдирмаяпмиз”, – деган у.
Аввалроқ Беларусь Россияга ўз ҳаво ҳудудидан фойдаланишга рухсат бергани тўғрисида хабар берилганди.
