Истеъфога чиққан Жонсонга янги лавозим берилди
Бу Украина билан боғлиқ.
Буюк Британия собиқ бош вазири Борис Жонсон “Украинанинг консерватив дўстлари” партия гуруҳига раҳбар бўлди. Бу ҳақда The Daily Telegraph хабар берди.
“Мен “Украинанинг консерватив дўстлари” гуруҳи учун янги президентга ўрнимни бўшатиб бераётганимдан хурсандман. У нафақат мамлакат ичида, балки бутун Ғарб дунёсида украин халқи очиқ қўллаб-қувватлаган етакчидир. Мен янги президент Борис Жонсон бўлишидан хурсандман”, – деган гуруҳнинг амалдаги раҳбари Жон Уиттингдейл.
“Украинанинг консерватив дўстлари” март ойида ташкил этилган. У ўзида Буюк Британия консерваторлар партиясининг Украина ҳукуматини қўллаб-қувватловчи аъзоларини бирлаштирган.
Аввалроқ Жонсон бош вазир лавозимидан истеъфога чиққанди.
