АҚШ Хитойга чип сотишни янада чекламоқчи
Вашингтон ўз иттифоқчиларини ҳам бу чекловларга қўшилишини истаяпти.
АҚШ Хитойга яримўтказгичлар ва микросхемалар экспортига қўйилган чекловларни кенгайтирмоқчи. Бу ҳақда The Wall Street Journal хабар берди.
Газета маълумотларига кўра, бу тартиб шу ҳафтанинг ўзида жорий этилади. Жозеф Байден администрацияси бир қатор муҳим иттифоқчиларни ҳам ушбу санкцияларга қўшилишга кўндиришга ҳаракат қилмоқда.
АҚШ, Япония, Жанубий Корея ва бошқа давлатларнинг чип экспортини қўшма назорат қилиши Хитойнинг ўз микросхемаларини ишлаб чиқаришини жиддий чеклаб қўйиши мумкинлиги қайд этилган.
Нашр суҳбатдошлари санкциялар хотира чиплари, квант компьютерлари ва “микросхемалар яратиш учун энг илғор ускуналар”ни ишлаб чиқаришга таъсир кўрсатишини таъкидлаган.
Аввалроқ АҚШ Хитой ва Россияга айрим турдаги яримўтказгичларни сотишни тақиқлаганди.
