Орбан: Европа секин ўлаётган пайтда Россия яхшигина пул ишламоқда
Венгрия бош вазири санкциялар ўзини оқламаганини айтди.
Венгрия бош вазири Виктор Орбан Евроиттифоқнинг Россияга қарши санкцияларини хато деб атади.
“Санкциялар уларга қўйилган умидларни оқламади. Европа аста-секин яраланмоқда, бу пайтда эса Россия яхшигина пул ишламоқда. Бир нарса аниқ: Брюсселнинг хато санкциялар сиёсатини ўзгартириш керак”, – деган у ЕИнинг норасмий учрашувида.
Шу билан бирга Орбан Венгрия нефть эмбаргосидан ташқарида эканини ва қатор чекловларга қўшилмаганини эслатиб ўтган. Бош вазирнинг фикрича, айнан санкциялар Энергетик ресурсларнинг нархини кескин ошиб кетишига олиб келди.
Аввалроқ Венгрия ТИВ Россияга қарши янги санкциялардан маъно йўқлигини айтганди.
