Татаристон Ўзбекистон билан савдо айланмасини 1 миллиард долларга етказмоқчи
Рустам Миннихановнинг Ўзбекистонга ташрифи бошланди
Татаристон раҳбари Рустам Минниханов Ўзбекистонда келди. Бу ҳақда “Sputnik Узбекистан” хабар берди.
У сафарини Жиззах вилояти ҳокими Эргаш Салиев билан учрашувдан бошлаган.
“Ўзбекистон шиддат билан ривожланаётган иқтисодиёт. Сизда ёшлар кўпчиликни ташкил этади ва таълимга катта эътибор қаратилмоқда. Бу жуда яхши.
Биз сизда ишлаб чиқарилаётган товарлар номенклатурасига эътибор қаратамиз. Фаол ҳамкорликнинг тарафдоримиз. Ўзаро ҳамкорликнинг истиқболлари катта. Ўзаро товар айирбошлашни 1 миллиард долларга етказишимиз керак”, – деган Минниханов.
Аввалроқ Тошкентда Қозон федерал университети филиали очилиши тўғрисида хабар берилганди.
