Украина мудофаа вазири Киев амалда НАТО аъзоси эканини иддао қилди
У альянс бош котибига миннатдорчилик билдирган.
Украина де-факто НАТО аъзоси ҳисобланади. Бу ҳақда мамлакат мудофаа вазири Алексей Резников Twitter саҳифасида ёзиб қолдирди.
“НАТО бош котиби Йенс Столтенбергга Украинани қўллаб-қувватлаётгани учун миннатдорчилик билдираман. Биз узоқ йўлни босиб ўтдик ва амалда альянсга қўшилдик”, – деган вазир.
Резников Киев блок хавфсизлигига ҳисса қўшаётганини қайд этган. У Украинада амалга оширилаётган ислоҳотлар мамлакат учун янги йўлларни очишига ишонч билдирган.
30 сентябрь куни Владимир Зеленский Украинани НАТОга тезкор равишда аъзо бўлиши учун ариза топширилганини маълум қилди. Бунга Россия томонидан мамлакатнинг айрим ҳудудлари қўшиб олингани сабаб бўлган.
Аввалроқ НАТО кучлари Украина низосидан сабоқ олаётгани тўғрисида хабар берилганди.
