Қашқадарёдан Тошкентга сифатсиз гўшт ташилаётгани аниқланди
Бу бўйича вилоятда рейд тадбирлари ўтказилган.
Қашқадарё вилоятининг Китоб туманида Тошкентга сифатсиз гўшт маҳсулотлари олиб кетаётган шахс қўлга тушди. Бу ҳақда Ички ишлар вазирлиги Жамоат хавфсизлиги департаменти хабар қилмоқда.
Қайд этилишича, Қашқадарё вилояти ИИБ ЖХХ ЖТСБ Карантин тадбирларни таъминлаш бўлинмаси ҳамда Ветеринария ва чорвачиликни ривожлантириш бўлими ходимлари томонидан Китоб туманида жойлашган “Мингчинор” ЙПХ масканида назорат рейд тадбирлари олиб борилган. Рейд давомида Қашқадарё—Тошкент йўналишида ҳаракатланиб келаётган фуқаро Ж.К. бошқарувидаги Нексия—2 русумли автотранспорт воситасида ветеринария-санитария талабларига зид равишда ҳеч қандай ҳужжатларсиз, келиб чиқиши номаълум бўлган жами 110 кг оғирликдаги сифатсиз гўшт маҳсулотлари олиб кетилаётганлиги аниқланган. Шундан сўнг у ўрнатилган тартибда ёқиш йўли орқали йўқ қилинган.
