Сеул ва Вашингтон ҳарбий машғулотларни осмонга “кўчирмоқчи”
Шу ой охирида йирик авиация машқларига старт берилади.
Жанубий Корея ва АҚШ 240 ҳарбий самолёт иштирокида ҳарбий машғулотлар ўтказади. Бу ҳақда Yonhap агентлиги хабар берди.
Машғулотлар 31 октябрдан 4 ноябрга қадар ўтказилади. Унга кўра, Сеул 140 самолётни, хусусан, F-35A, F-15 ва и KF-16 қирувчиларини жалб қилади. Ўз навбатида Америка томони 100 та самолётни, жумладан, F-35B қирувчисини ташлайди.
Бундан ташқари, Австралия ҳарбийлари ҳам машғулотларда иштирок этиши мумкин. Авиация машқлари КХДРнинг ядро синовлари ўтказилиши тўғрисидаги тахминлар фонида ташкил қилинмоқда.
Аввалроқ Жанубий Корея АҚШ ядро қуролидан биргаликда фойдаланмоқчи эканлиги тўғрисида хабар берилганди.
