0
Исроил Украинага ҳақиқатдан ҳам қурол берадими?
Мамлакат мудофаа вазири бу бўйича режаларни очиқлади.
Исроил Украинага қурол етказиб бергани йўқ. Бу ҳақда мамлакат Мудофаа вазири Бени Ганц Kol Chai радиосида эълон қилди.
"Биз Укрианага тиббий ва гуманитар ёрдам берганмиз. Аммо шуни аниқ айтаманки, биз Украинага қурол сотмаганмиз", — деди у.
Вазир Исроил диаспоралар вазири Нахман Шайнинг олдинроқ бу ҳақда айтган гапларини инкор қилди.
"Агар Найман Шай Украинага қурол сотилган ёки сотилади деб айтган бўлса, у адашган. Мен мудофаа вазириман ва Исроилдан қурол экспорт қилинишига мен жавоб бераман", — деди Ганц.
Аввалроқ Исроил диаспора масалалари вазири Нахман Шай ҳукуматни Украинага ҳарбий ёрдам беришга чақирганди.
