Вазият жиддий: Херсондан 60 минг киши кўчирилади
Вилоятда ҳарбий-сиёсий ҳолат оғирлигича қолмоқда.
Херсондан Россияга 60 минг киши эвакуация қилинади. Бу ҳақда вилоятнинг Москва томонидан тайинланган “раҳбари” Владимир Сальдо маълум қилди.
“50-60 минг одамни Днепрнинг чап қирғоғига кўчирамиз”, – деган у.
Сальдонинг сўзларига кўра, бу одамларни эвакуация қилиш учун 6 кун керак бўлади. Бундан ташқари, у Каховка ГЭС бузилган тақдирда Херсоннинг айрим ҳудудлари сув остида қолишидан огоҳлантирган.
18 октябрь куни Россиянинг Украинадаги кучлари қўмондони Сергей Суровикин Херсонда вазият рус қўшинлари учун оғирлашганини айтган. Айрим маълумотларга кўра, Украина армияси бу ерда муваффақиятли қарши ҳужумларини давом эттирмоқда.
Аввалроқ Украина 2022 йил охиригача Херсонни қайтариб олмоқчи эканлиги тўғрисида хабар берилганди.
