Украина йил охиригача Херсон вилоятини Россиядан қайтариб олмоқчи. Бу ҳақда CNN Америка ва Украина амалдорларига таяниб хабар берди.
Унга кура, украин армияси энг камида Днепр ғарбий қирғоғидаги барча ерларни, хусусан, Херсон ва Қримга чучук сув етказиб берадиган канал жойлашган Новая Каховкани озод қилмоқчи.
Аммо бу режани амалга ошириш америкалик амалдорларга мураккаб туюлган. Аммо улар украиналиклар жанг майдонида муваффақиятга эришишда давом этса, бунга эришиш мумкин деган фикрда.
Август охирида Киев Херсон йўналишида ҳужумга ўтгани тўғрисида хабарлар тарқалди. Ҳозирга кадар айрим аҳоли пунктлари уларнинг назоратига қайтган.
CNN хабарига кура, ҳужум 160 км кенгликда олиб борилмоқда, бу россияликларнинг бир нуқтада кўшин жамлашига имкон бермайди. Шу билан бирга Россия назорати остидаги ҳудудларда партизанлик ҳаракати кучайгани айтилмоқда.
Аввалроқ Владимир Зеленский Қримда Россия базаларига қўпорувчилик ҳаракатлари амалга оширилишини айтганди .