АҚШ Австралияга 6 миллиард долларлик самолёт сотади
Давлат департаменти бу харидларни маъқуллади.
АҚШ Австралияга 24 дона Super Hercules ҳарбий-транспорт самолётларини сотади. Бу Канберра учун 6.35 миллиард долларга тушади.
Reuters агентлиги маълумотларига кўра, Давлат департаменти бу бўйича тегишли қарорни маъқуллаган. АҚШнинг Lockheed Martin корпорацияси самолётлар етказиб берилиши учун жавобгар ҳисобланади.
“Эҳтимолий келишув Қўшма Штатлар ташқи сиёсати ва миллий хавфсизлиги манфаатларига жавоб беради. Австралия — Ғарбий Тинч океани минтақасидаги асосий иттифоқчиларимиздан бири”, — дейилади ҳужжатда.
Пентагоннинг хавфсизлик ва мудофаа соҳасидаги ҳамкорлик агентлиги Конгрессни ушбу харидлар тўғрисида огоҳлантирган.
Аввалроқ АҚШ Австралияга атом бомбаси олиб юрадиган B-52 самолётларини жойлаштириши тўғрисида хабар берилганди.
