Финляндия НАТО аъзосига айлангач, ўз ҳудудига ядро қуролини жойлаштирадими?
Мамлакат президенти бу бўйича режаларни очиқлади.
Финляндия НАТОга кирганидан сўнг ўз ҳудудига ядро қуролини жойлаштирмоқчи эмас. Бу ҳақда мамлакат президенти Саули Ниинистё маълум қилди.
Унинг сўзларига кўра, альянсга аъзо ядро қуролига эга давлатлардан бу бўйича таклиф келиб тушмаган. Президент ушбу турдаги қурол НАТОнинг тийиб туриш стратегиясида муҳим аҳамиятга эгалигини таъкидлаган, бироқ бу кўпроқ профилактик восита эканлигини қайд этган.
Бундан ташқари, Финляндия раҳбари Украина урушининг охири кўринмаётганлигини, ҳеч бир томон келишишга интилмаётганини айтган.
Финляндия ва Швеция жорий йилнинг ёзида НАТОга аъзолик аризасини топширди. Ҳозирга қадар Венгрия ва Туркиядан ташқари альянсга аъзо барча давлатлар уларнинг ташкилотга қўшилишини маъқуллаган.
