АҚШ Шимолий Кореяга қарши янги санкциялар тайёрламоқда
Шу билан бирга Вашингтон Пхеньян билан ҳеч қандай шартларсиз ва очиқ мулоқотга тайёрлигини билдирган.
АҚШ Шимолий Кореяга қарши янги санкциялар ишлаб чиқмоқда. Бу ҳақда Жозеф Байденнинг миллий хавфсизлик масалалари бўйича маслаҳатчиси Жейк Салливан маълум қилди.
Унинг сўзларига кўра, КХДРнинг ракета синовлари фонида АҚШ, Жанубий Корея ва Япония хавфсизлик ва ҳарбий соҳада уч томонлама ҳамкорликни кучайтиришга қарор қилган.
Шу билан бирга сиёсатчи Вашингтон Пхеньян билан очиқ мулоқот ўтказишга тайёрлигини ҳам билдирган. Салливан Америка олдиндан шартларсиз КХДР расмийлари билан музокара ўтказиш ниятида эканини айтган.
Шимолий Корея йил бошидан буён 34 марта ракета учирди. 9 сентябрда эса расман ядро давлати мақомини эълон қилди.
