10 та номинация бўйича «Оскар»га даъвогарларнинг қисқа рўйхати тақдим этилди
Тақдирлаш маросими кейинги йил мартида бўлиб ўтади.
Америка кино санъати ва фанлари академияси «Оскар»га даъвогарлар рўйхатини эълон қилди. "Энг яхши тўлиқ метражли ҳужжатли фильм” номинациясига 15 та кинокартина сараланган бўлиб, улардан фақат бештаси кейинчалик мукофотга номзод бўлади.
«Оскар» мукофотига даъвогарларнинг қисқа рўйхати “Энг яхши хорижий фильм” номинацияси бўйича ҳам эълон қилинган, бу йилги россиялик режиссёрларнинг фильмлари унда намойиш этилмаган.
Бундан ташқари, нуфузли фильм мукофотига даъвогарлар “Энг яхши қисқа метражли ҳужжатли фильм”, “Энг яхши пардоз ва соч”, “Энг яхши мусиқа”, “Энг яхши қўшиқ”, “Энг яхши қисқа метражли анимацион фильм”, “Энг яхши қисқа метражли фильм”, “Энг яхши овоз”, “Энг яхши визуал эффектлар” номинациялари бўйича ҳам тақдим этилади.
Аввалроқ Америка кино санъати ва фанлари академияси матбуот хизмати 95-«Оскар» тақдирлаш маросими 2023 йил 12 март куни бўлиб ўтишини маълум қилганди. Тақдимот анъанавий тарзда Лос-Анжелесдаги (Калифорния) "Dolby Theatre"да бўлиб ўтиши режалаштирилган. Кино соҳасидаги энг нуфузли мукофотлардан бирига номзодлар 24 январь куни эълон қилинади.
Маълумот учун, ҳайкалчанинг бўйи 34 см, вазни 3,85 кг. Ҳозирда мукофот 23 номинация бўйича топширилади.
