Байден: Россия қишдан қурол сифатида фойдаланмоқда
АҚШ президенти Украинанинг вайрон бўлган энергетика инфратузилмасини тиклашда ёрдам ваъда қилди.
АҚШ Украинага энергетика инфратузилмани тиклашга ёрдам беради. Бу ҳақда Жозеф Байден Владимир Зеленский билан ўтказилган қўшма матбуот анжуманида маълум қилди.
Америка етакчисининг фикрича, Россия қишдан қурол сифатида фойдаланмоқда
“Қўшма Штатлар ўз ҳамкорлари ва иттифоқчилари билан бирга Украинанинг Россиянинг мақсадли зарбалари натижасида вайрон бўлган электр тизимининг таъмирланиши учун зарур ускуналарни етказиб бериш устида ишламоқда”, – деган АҚШ раҳбари.
Россия октябрь ойидан буён Украина энергетика инфратузилмасига ракета зарбалари бериб келмоқда.
Эслатиб ўтамиз, кеча Зеленский АҚШга ташриф буюрганди. У Конгрессда чиқиш қилган, шунингдек, Байден билан икки томонлама музокаралар ўтказганди.
