Ҳаво шари билан можаро фонида АҚШ-Хитой муносабатлари ёмонлашдими?
Жозеф Байден бу бўйича маълумот берди.
АҚШ Президенти Жозеф Байденнинг фикрича, мамлакат ҳаво ҳудудига кирган шарни уриб туширишга буйруқ берганидан кейин АҚШ-Хитой муносабатлари ёмонлашмаган. Аввалроқ Хитой қурилманинг йўқ қилинишига норозилик билдирган, Пентагон эса Пекинни стратегик объектларни кузатишда айблаганди.
Журналистлар жаноб Байдендан ҳаво шарининг йўқ қилиниши Хитой билан муносабатларни ёмонлаштирди, деб ўйлайсизми, деб сўрашди.
"Йўқ. Биз Хитойга нима қилишимизни тушунтирдик. Улар бизнинг позициямизни тушунишади. Биз орқага чекинмаймиз. Тўғри иш қилдик, бу ҳақиқат", — деб жавоб берди Америка раҳбари.
Хитой ҳаво шари январь ойи охирида АҚШ ҳаво ҳудудига кирган, қисқа муддатга Канада билан чегарани кесиб ўтган, бироқ кейин яна қайтиб келган. Пекиннинг таъкидлашича, қурилма шамол туфайли курсдан оғиб кетган метеорологик зонддир.
