Рок-н-ролл «қироличаси» Тина Тёрнер вафот этди
У 83 ёшда эди.
«Рок-н-ролл маликаси» сифатида ҳам танилган америкалик хонанда Тина Тёрнер 83 ёшида Швейцарияда вафот этди, деб хабар бермоқда Sky News унинг вакилига таяниб.
Манбага кўра, санъаткорнинг ўлими дунёни мусиқа афсонаси ва «қиролича»сиз қолдирди.
Рок-н-ролл қироличаси Тина Тёрнер узоқ давом этган касалликдан сўнг 83 ёшида оламдан ўтди. У Цюрих яқинидаги Кюснахтдаги уйида вафот этди.
Тёрнер саккизта «Грэмми» мукофотини қўлга киритган. “Rolling Stone” журнали уни замонамизнинг энг буюк қўшиқчиси деб атаган. У ўз фаолиятини 1957 йилда бошлаган ва тўққизта альбом чиқарган. 2019 йилда у Мемфис мусиқа шон-шараф залига киритилди. Унинг энг машҳур қўшиқларидан “The Best”, “Proud Mary” кўпчиликнинг севимли таронасига айланган.
