Энтони Блинкен Хитойга борди
У Пекинда Хитой ТИВ раҳбари билан учрашган.
АҚШ Давлат котиби Энтони Блинкен икки кунлик ташриф билан Пекинга келди. У сўнгги беш йил ичида Хитойга ташриф буюрган биринчи юқори мартабали АҚШ дипломатидир.
Қайд этилишича, АҚШ президенти Жо Байден ва Хитой раҳбари Си Сзинпин ўтган йилнинг ноябрь ойида Индонезияда Г20 саммитида бўлиб ўтган учрашувда ушбу ташриф ҳақида келишиб олган. Кейин Блинкен февраль ойида Хитойга ташриф буюриши айтилганди, аммо ўша ойнинг бошида штатлар ҳудудида Хитойнинг жосуслик шари топилди ва Байден маъмурияти сафарни бекор қилди.
Пекинда Блинкен Хитой ташқи ишлар вазири Син Ганг билан учрашди. Музокаралар ёпиқ форматда бўлиб ўтган. Блинкен 19 июнь кунига қадар бўлган сафари давомида Хитойнинг бош дипломати Ван Йи ва эҳтимол раис Си Сзинпин билан ҳам учрашиб, икки давлат ўртасидаги стратегик рақобат можарога айланиб қолмаслиги учун очиқ ва мустаҳкам алоқа каналларини ўрнатишга интилиши кутилмоқда.
Вашингтон Қўшма Штатлар ва Хитой ўртасида юқори даражадаги мулоқот зарурлигини таъкидламоқда, бу улар ўртасида турли масалалар бўйича келишмовчиликлар, айниқса, Ҳиндистон-Тинч океани минтақасида ўсиб бораётган географик рақобат фонида муҳимдир.
