8-сентябр — Халқаро журналистлар бирдамлиги куни

 

UNESSO расмий сайтининг 1993 йилдан бошлаб қайд этган рўйхатига кўра, бугунгача дунёда 1405 нафар журналист ўлдирилган. 

 1958-йили Халқаро журналистлар ташкилотининг Бухарестда бўлиб ўтган IV конгресси қарорига биноан, ҳар йили жаҳонда 8-сентябр Халқаро журналистлар бирдамлиги куни (International day of solidarity of journalists) сифатида нишонланади. Маълумотларга кўра, кейинчалик БМТ томонидан ҳам ушбу кун Халқаро журналистлар бирдамлиги куни деб эълон қилинган.

Ушбу кун 1943 йил 8-сентябр куни Берлинда фашистлар томонидан қатл қилинган чехословакиялик журналист ва адабий танқидчи Юлиус Фучик хотирасига бағишлаб танланган. Фучик Прага қамоқхонасида бўлган вақтида “Дор остидан репортаж” (Нотес фром тҳе галловс) китобини ёзган. Мазкур китоб дунёнинг 70 тилига таржима қилинган бўлиб, муаллиф вафотидан сўнг икки йил ўтиб, 1945 йилда илк бор чоп этилган, етти йил ўтиб эса Халқаро тинчлик соврини билан тақдирланган.

Маълумот учун, Америка журналистларининг энг нуфузли мукофоти ҳисобланмиш Пулицер мукофотининг тақдирлаш маросими ҳам деярли ҳар йили 8 сентябрда ўтказилади.