Германия терма жамоасига янги мураббий қидирилмоқда
Асосий номзод Томас Тухел бўлиб турибди.
«90мин» нашрининг маълумотларига кўра, Тухелга мавсум охиригача Мюнхен клубидаги фаолиятини терма жамоа билан бирлаштиришга рухсат берилиши кутилмоқда. Шундан сўнг мураббий миллий терма жамоани тўлиқ бошқаради ва у билан 2024 йилги Европа чемпионатида иштирок этади.
Қайд этилишича, номзодлар рўйхатида «Ливерпул»дан Юрген Клопп ва ишсиз юрган мутахассис Юлиан Нагелсманн ҳам бор.
Эслатиб ўтамиз, кеча Германия футбол ассоциацияси Ханс-Дитер Фликни терма жамоа бош мураббийлигидан бўшатгани маълум бўлган эди.
