АҚШ Россиянинг музлатилган активлари миқдорини эълон қилди
Уларнинг асосий қисми Европа Иттифоқи ва Японияда экани айтилмоқда.
АҚШ ҳукумати Россиянинг 8 миллиард долларлик суверен активларини музлатиб қўйди. Бу миқдорни АҚШ Президентининг Украина иқтисодиётини тиклаш бўйича махсус вакили Пенни Притскер маълум қилди.
Притскернинг айтишича, музлатиб қўйилган суверен активларнинг асосий қисми Европа Иттифоқи ва Японияда.
Айни вақтда Ғарб давлатлари Россиянинг Украинага кенг кўламли бостириб киришига жавобан Россиянинг умумий ҳисобда 300 миллиард долларлик активларини музлатиб қўйган.
Қайд этилишича, айрим давлатлар бу пулларни Украинани қайта тиклашга сарфлашга чақирган, бироқ бошқа манфаатдор томонлар, жумладан, Европа Марказий банки бундай ҳаракатнинг қонунийлиги ва оқибатлари ҳақида эҳтиёткорона фикр билдирган.
