Туркия Афғонистонга 25 тонналик гуманитар ёрдам юборди
Ёрдам таркибида бошпана материаллари, озиқ-овқат ва гигиена воситалари мавжуд.
Туркия ҳукумати Афғонистонда юз берган ҳалокатли зилзила оқибатларини юмшатиш мақсадида инсонпарварлик ёрдами юборди.
Туркия Ташқи ишлар вазирлиги, ФВВ (AFAD) ва Туркия Қизил Ярим Ой жамияти ҳамкорлигида тайёрланган 25 тоннаддан ортиқ гуманитар юк Қайсеридаги Эркилетт халқаро аэропортидан Туркия ҳарбий-ҳава кучларига қарашли самолёт орқали Афғонистонга етказилди.
Ёрдам таркибидан вақтинчалик бошпана учун материаллар, озиқ-овқат маҳсулотлари, гигиена воситалари ҳамда зарур анжомлар ўрин олган.
Эслатиб ўтамиз, 31 августга ўтар кечаси Афғонистоннинг шарқий қисмида, Кунар вилоятида 6,0 магнитудали кучли зилзила рўй берди. Расмий маълумотларга кўра, табиий офат оқибатида 1400 дан ортиқ киши ҳалок бўлган, 3100 нафардан зиёд одам жароҳатланган, 5400 дан ортиқ уй-жой вайрон бўлган. Фожиа ортидан Кобул ҳукумати халқаро ҳамжамият, жумладан Туркиядaн ёрдам сўраган эди.
