Рубио: АҚШ Афғонистон фуқаролари учун визани тўхтатди
Давлат котиби бу қарорни хавфсизлик нуқтаи назари билан изоҳлади.
АҚШ ҳукумати Афғонистон фуқароларига визани тўхтатишга қарор қилди. Бу ҳақда АҚШ давлат котиби Марко Рубио маълум қилди дейди ТАСС нашри.
Унинг сўзларига кўра, Доналд Трампнинг маъмурияти афғон паспортига эга барча саёҳатчиларга визани тўхтатди. “Қўшма Штатлар учун мамлакатимиз ва халқимизни ҳимоя қилишдан муҳимроқ вазифа йўқ,” — деди Рубио.
Аввалроқ АҚШ Фуқаролик ва Иммиграция Хизмати (USCIS) чет элликлар учун бошпана сўровларини вақтинча кўриб чиқишни тўхтатган эди. Трамп маъмурияти шунингдек, мамлакатга келган бошпана изловчиларни депортация қилишни ва учинчи дунё давлатларидан одамларни қабул қилишни номаълум муддатга тўхтатишни режалаштирмоқда.
Шу кунларда Вашингтон марказида содир бўлган қуролли ҳодиса ортидан хавфсизлик чораларининг кучайтирилгани маълум бўлди. 26 ноябрь куни Адмирал Девид Фаррагут боғи яқинида юз берган отишмада бир киши фуқаро ва Миллий гвардиянинг икки аскари жароҳат олди, кейинчалик аскарлардан бири вафот этди. Гумонланувчи 2021 йилда Афғонистондан АҚШга келган шахс сифатида аниқланган.
