Ўзбекистонда олтин нархи бир йил Ичида 49 марта ошди

 

Сўнгги ойларда Ўзбекистонда олтин нархи кескин кўтарилмоқда. 2025 йилнинг бошидан буён олтин нархи 49 марта ошган, бу эса мамлакат ички бозорида қимматбаҳо металларга бўлган талаб юқорилигини кўрсатди.

 

Марказий банкнинг 29 декабрь ҳолатига кўра,  олтин қуймалари нархи қуйидагича шаклланган:

 

— 5 грамм — 8,9 млн сўмдан юқори;

 

— 10 грамм — 17,9 млн сўм;

— 20 грамм — 35,8 млн сўм;

— 50 грамм — 89,6 млн сўм;

— 100 грамм — 179,2 млн сўм.

 

Олтин нархининг ошиши фақат Ўзбекистонда эмас, жаҳон бозорида ҳам етарлича ошди. 26 декабрь куни олтин нархи илк бор 4,5 минг АҚШ долларидан ошди. “Reuters” агентлигини ёзишича, АҚШда фоиз ставкаларининг пасайиши кутилаётгани, инвесторларнинг ҳимояланган активларга бўлган талабнинг ортгани ҳам олтин нархининг ошишга сабаб бўлмоқда.

 

Эслатиб ўтамиз, аввалроқ Ўзбекистонда олтин нархи йил бошига нисбатан 60 фоизга ўсгани ҳақида хабар берган эдик.