Камбоджа-Таиланд чегарасида отишма юз берди
27 декабрь куни Камбоджа-Таиланд сулҳни тиклашга келишиб олган эди.
Таиланд қўшма матбуот маркази хабарига кўра, 6 январ куни Камбоджа қўшинлари Убон Ратчатҳани провинциясидаги Таиланд позицияларини миномётдан нишонга олиб, мавжуд сулҳни бузган. Ҳодиса соат 7:25 да содир бўлган ва натижада бир Таиланд аскари шрапнел жароҳати олган. Бу ҳақда Қироллик Қуролли Кучлари ва Ташқи ишлар вазирлиги ҳам баёнот берди.
Эслатиб ўтамиз, Камбоджа ва Таиланд 27 декабрь куни чегара ҳудудида сулҳни тиклашга келишиб олган эди.
Чегара можаросининг авж олиши эса 7 декабрда содир бўлган отишма билан бошланган. 8 декабрь куни Таиланд қуруқликдаги кучлари Камбоджа позицияларини артиллерия ўқ билан нишонга олганини хабар қилган. Бунга жавобан Таиланд ҳаво кучлари Камбоджа ҳарбий инфратузилмасига зарба берган.
Сўнгги маълумотларга кўра, тўқнашувларда 23 Таиланд аскари ҳалок бўлган, Камбоджа томонидан берилган маълумотга кўра эса 31 тинч аҳоли вакили ҳалок бўлган ва камида 87 киши яраланган.
