Эронда тартибсизликлар қурбонлари хотирасига уч кунлик мотам эълон қилинди
Масуд Пезешкиан АҚШ ва Исроилни мамлакатдаги оммавий тартибсизликларни қўзғатишда айблаган эди.
Эронда оммавий тартибсизликлар чоғида ҳалок бўлганлар хотирасига уч кунлик миллий мотам эълон қилинди. Бу ҳақда РБК нашри агентлиги хабар берди.
Нашр маълумотига кўра, мотам кунлари “Қўшма Штатлар ва сионистик режимга қаршилик кўрсатиш чоғида ҳалок бўлган шаҳидлар хотираси”га бағишланган. Эрон президенти Масуд Пезешкиан ҳам хотира тадбирларида иштирок этиши кутилмоқда.
Шу билан бирга, Reuters'га маълум қилинишича, Исроил хавфсизлик масалалари бўйича маслаҳатлашувларида қатнашган уч нафар исроиллик манбанинг айтишича, АҚШнинг эҳтимолий аралашуви фонида Исроил юқори даражадаги ҳушёрлик ҳолатига ўтказилган.
Аввалроқ Эрон президенти Масуд Пезешкиан АҚШ ва Исроилни мамлакатдаги оммавий тартибсизликларни қўзғатишда айблаган эди.
Эслатиб ўтилишича, 28 декабрь куни Эронда миллий валютанинг кескин қадрсизланишига қарши норозилик намойишлари бошланган. Намойишларга жавобан расмийлар хавфсизлик чораларини кучайтириб, кўздан ёш оқизувчи газ ва пневматик воситалардан фойдаланган.
Энг йирик норозилик намойишлари Теҳронда қайд этилган бўлса, энг кескин тўқнашувлар мамлакатнинг ғарбий ва жануби-ғарбий ҳудудларидаги Малекшоҳ, Керманшоҳ ва Лордеган шаҳарларида юз берган.
