Ўзбекистонда “Ўқув марказлари уюшмаси” ташкил этилмоқда
Уюшмага аъзо бўлган хусусий ўқув марказларига биносини ижарага берган тадбиркорлар ижарадан олинадиган даромад ва фойда солиғини тўлашдан озод этилади.
Президент ёш тадбиркорларни “Ўқув марказлари уюшмаси”ни ташкил қилиш ташаббусини маъқуллади.
Мазкур Уюшмага аъзо бўлган хусусий ўқув марказларига биносини ижарага берган тадбиркорлар ижарадан олинадиган даромад ва фойда солиғини тўлашдан озод этилади.
Ёшлар ишлари агентлиги 1 июндан бошлаб бундай марказларнинг ўқитувчи ва ўқувчиларини Агентлик ҳисобидан Буюк Британия, АҚШ, Финляндия, Цингапур, Япония каби илғор таълим марказларига стажировкага юборишни йўлга қўйиши белгиланди.
Таъкидлаш жоизки, “Ўқув марказлари уюшмаси”нинг ташкил этилиши хусусий ўқув марказларини институционал жиҳатдан барқарорлигини таъминлашга ёрдам беради. Шунингдек, ўқитувчи ва ўқувчиларнинг ривожланган давлатларда амалиёт ўташи таълим сифати ва халқаро тажриба алмашинувини кучайтириб, ёшларни рақобатбардош кадрлар сифатида тайёрлашга хизмат қилади.
